( الحب يستعمـر الـروح )

[color:16fe=red
( الحب يستعمـر الـروح )




لاتشرهون
( الحب يستعمـر الـروح )

احيـان بالتعذيـب واحيـان راحــه

ياحاسبيـن البـوح خـطٍ علـى لـوح

الـبـوح للشاعرصـدايـا جـراحـه

ومن كان فينا رغم الاعـذار مشفـوح

نسي انه الاسباب : ( كبر اجتراحه !! )

من سبـب العـلات ماهـو بمسمـوح

يضحك علينـا يـوم قـال : استراحـه

ان كان هو مرتـاح فالقلـب مطـروح

فـي نـار هجرانـه مسـاه وصباحـه

وراع الهوى لو يكتم الشوق مفضـوح

صارت على غيـره فضايـح وراحـه

راحت مع الايام / مـن كـان مجـروح

يربـط جروحـه مـن ثيابـه وشاحـه

مالـه عـن الواقـع مـلاذٍ ومنـدوح

وازين من التزويـر قـول الصراحـه

وماكـل قـلـبٍ للمطلّـيـن مفـتـوح

صعـبٍ عليـه الغلـق بعـد انفتاحـه

ويله على اللّي ولعه قـال : ابـا اروح

قال المولّـع : فـاس بالـراس طاحـه

طاحـت بهـا لـبّ المعاليـق مذبـوح

وارتــدّ للـذّبـاح ذبــة سـلاحـه

ماهي شهر ماهي سنه صـار لـه دوح

عليـه تسـمـع للحمـايـم نيـاحـه

بالله تمحاهـا وتنـوي بهـا مــوح ؟

واكبـرهـا واعبـرهـا وافـداحـه !!

ان كان تقدر تنزعـه نزعـة الـروح

عجّـل وبــدل للعذابـيـن راحــه

منقول]