الرئيسية
أحدث الصور
admin الخميس نوفمبر 10, 2011 3:20 amأجمل القصايد لحامد زيد,,
السلام عليكم ورحمة الله وبركاته ..
اكيد الكل يعرف الشاعر الكبير والرائع حامد زيد ....وحبيت اليوم احط بعض من اشعاره ..
****** عاتبوها ******
بعد ماقابلتني عاتبوها
على شوف الحبايب حاسبوها
خذوها وأبعدوها غصب عني
وعن وجهة طريقي جنّبوها
وشالوها عن عيوني غصيبه
عواذل وأغصبوني وأغصبوها
خذوها من يديني شوف عيني
وعن عيني تعدّوا وأحجبوها
كلام وصدّقوا بالبنت كذبه
وهم اللي من أول كذّبوها
وهم وشدخلهم في مال بيّن
لبوها والخلايق طالبوها
وفيّه لاتخون ولاتعاند
جسوره والمواعيد أرعبوها
ملاكٍ كامله والكامل الله
ولكن العواذل عذربوها
وهي كلما دعتني تشتكي لي
عن اللي سالفتنا سرّبوها
تخاف وتلتفت مع كل كلمه
تظن أن العواذل راقبوها
تلفّت من عقب ماهي جريئه
شجاعه ماتهاب وهيّبوها
وأهدّيها وأنا حاير وثاير
مصيبه ياعذابٍ عذبوها
وهم كلما خذوها عن طريقي
تراهم صوب قلبي قرّبوها
وأنا ماتعّبت قلبي خيانه
خيانه رتّبوها وأحسبوها
ولا يعجز خفوقي لايقابل
جفا من حاربوه وحاربوها
وأنا لي عزّة ٍ تفرض عليّه
أخاطب بالجفا من خاطبوها
وأكسر لوحة الماضي وأزيله
وأخرّبها مثل ماخرّبوها
وأذوّقهم ندم ماصار فيها
وأشرّبهم من اللي شرّبوها
وأدلّعها وأولّعها بنفسي
وأشرٌّقها بعد ماغرّبوها
وأعوّضها عن اللي راح كله
وعن ذيك الليالي كلّبوها
غلاها بالحشى لازال ثابت
ولو حتى بغيري حبّبوها
وغلاي بقلبها مرّ وتعدى
غلاها لأمها ولا لأبوها
::السفينه ::
يوم قلبي ما عصاك , و ما قدرتي تذبحينه
ليه خنتي فيه و انتي من نفس الديانه ؟
كان ذبحي بيدك ارحم .. من اللي تفعلينه
و ان طلبتك تذبحيني ما ذبحتيني لعانة
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه !!
و الا انا ما كنت ابيها توصل لحد الاهانه
قلت: ( من باب الميانة ) صاحبك و تعذبينه ..
لعنبوك ارخي معاي شوي ما صارت ميانة
:::الحلم:::
اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..
:::التمثال :::
انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....
واتمنى تعجبكم مثل ما عجبتني ...
» ديكورات تكسيات يديل خشب
» وروود+روعه+شاموااه
» أهديكم هذه الكلمات بكل محبة وتقدير
» أهديكم هذه الكلمات بكل محبة وتقدير
» زيارة أبليس اللعين للنبي محمد صل الله عليه و آله وسلم
» أهديكم هذه الكلمات بكل محبة وتقدير
» كــــــذبة إبــــــــريل؟؟؟
» لكي تكون سعيدا